काठमाडौं- नेपाल कम्युनिस्ट पार्टी (नेकपा)की प्रदेश सभा सांसद देवकी मल्ललाई नेत्र विक्रम चन्द ‘विप्लव’ नेतृत्वको समुहले अपहरण गरेको छ । बझाङ ‘ख’की प्रदेश सभा सांसद मल्ल अपहरणमा परेको सुरक्षा स्रोतले जनाएको छ । बझाङका प्रमुख जिल्ला अधिकारी सुरेश सुनारले अपहरणमा परेको खबर भर्खरै पाएको बताएका छन् ।
तर, नेकपाकी सांसद मल्लको अपहरण भएको पुष्टि नभएको बझाङका डिएसपी प्रविण धितालले जानकारी दिए । ‘अपहरणमा परेको सुचना आएपछि हामीले खोजी कार्य सुरु गरेका छौँ,’ डिएसपी धितालले भने, ‘प्रहरी परिचालन भइसकेको छ ।’देवकी २०७४ कार्तिकमा भएको प्रदेश सभा निर्वाचनमा माओवादी उम्मेदवारको रुपमा विजयी भएकी थिइन् ।
