सुर्खेत– कर्णालीमा कोरोना भाइरस (कोभिड–१९) को आंशकामा थ्रोड स्वाब परीक्षण गरिएका सबैमा नेगेटिभ देखिएको छ । स्वास्थ्य प्रयोगशाला टेकु काठकाडौं र कर्णाली प्रदेश प्रयोगशालामा परीक्षण गरिएका ५८ जनामा नेगेटिभ देखिएको हो ।
कर्णाली प्रदेश सामाजिक विकास मन्त्रालय अन्र्तगतको स्वास्थ्य सेवा निर्देशनालयका अनुसार स्वास्थ्य प्रयोगशाला टेकु काठकाडौंमा ३१ जना र कर्णाली प्रदेश प्रयोगशालामा २७ जनाको कोरोनाको आंशकामा थ्रोड स्वाब परीक्षण गरिएको थियो ।
कर्णालीमा प्रदेशमा कोरोना आंशकामा सुर्खेतका ३४, दैलेखका ६ जना, सल्यानका ३ जना, जुम्लाका ३ जना, कालिकोट १ जना र हुम्लाका २ जना डोल्पाका ५ जना र पश्चिमरुकुमका ४ जनाको थ्रोड स्वाब परीक्षण गरिएको सामाजिक विकास मन्त्रालयले जनाएको छ । त्यस्तै, मुगु र जाजरकोटका जिल्लाका एक जनाको पनि थ्रोड स्वाब परीक्षण गरिएको छैन् ।
