जुम्ला- नेकपा एमालेका केन्द्रीय सदस्य नगिन्द्र शाही (नेस्नल) जुम्लाका गाउँगाउँमा पुगेका छन् ।
आगामी चुनावमा एमालेलाई एक नम्बरको पार्टी बनाउन संगठन सुदृढीकरण तथा विस्तार गर्न पार्टीकाे “मिसन ग्रासरुट” भियानमा लागेका हुन । कालिकोट ईन्चार्ज समेत रहेका शाहीको जुम्ला कार्यक्षेत्र परेकाे छ ।
जुम्लाका दुर्गम गाउँमा पार्टी विस्तार अभियानमा व्यस्त रहेको नेता शाहीले मिसन न्युजलाई बताए । लाेकप्रियताकाे आधारमा जुम्लामा पनि एमाले पहिलो पार्टी रहेको नेता शाहीले बताए ।
आगामी चुनावमा माओवादी शुन्यमा पुग्ने शाहीले बताएका छन् । शून्यमा पुग्नुको मुख्य दोष प्रचण्डको नै हुने उनले बताएका छन् । मिसन ग्रासरुट अभियान अन्तर्गत जुम्लाका बस्तीहरुमा नेता कार्यकर्ताकाे साथमा जनतासंग भलाकुसारी गरिरहेको उनलेे बताए ।
एमालेको मिसन ग्रासरुट अभियानले देशको कुना कुनामा रहेका जनताले के चाहना गरेका छन्, कसरी अवस्था परिवर्तन गर्न सकिन्छ सवै बिषयको खोजी नेताहरुले गरिरहेका छन् ।
जनताको बहुदलिय जनवादको माध्यमबाट समाजवादमा पुग्ने बाटो तय गर्न एमालेले मिसन ग्रासरुट अभियान थालेको हाे ।
