कालिकोट – नेकपा (एमाले) का केन्द्रीय सदस्य दलबहादुर रावलले नेकपा (एमाले) नेपाली जनताको अक्सिजन जस्तै भएको बताए ।
मिसन ग्रासरुट अभियानको सिलसिलामा कालिकोट खटिएका नेता रावलले साे कुरा बताएका हुन । कालिकोटकाे पचालझरना गाउँपालिकाकाे बाॅझकोटको भेलामा रावलले मिसन ग्रासरुट अभियानमा एमाले नेता कार्यकर्ता जाग्नुपर्ने समेत बताए ।
मिसन ग्रासरुट अभियानमा संगठन सुदृढीकरण र कार्ययोजना निर्माण समेत गरिएकाे जनाईएकाे छ ।
प्रशिक्षण कार्यक्रममा नेता रावलले थपे “एमाले नेपाली जनता र राष्ट्रकाे मेरुदण्ड हाे । जनतालाई पर्ने हरेक अफ्ट्यारोमा एमाले चाहिएको छ ।” उक्त कार्यक्रमा नेकपा एमालेका नेता रमेशकुमार शाहीलगायतका नेता सहभागी थिए ।
जनसंगठनहरूको गठन गर्नुका साथै सदस्यता नविकरण र संगठन विस्तार गर्ने क्रमले निरन्तरता पाएकाे छ ।
