काठमाण्डौ – नेपाल यातायात व्यवसायी राष्ट्रिय महासंघका महासचिव सरोज सिटौला पक्राउ परेका छन्। सिटौलालाई महासंघको साक्षात्कार कार्यक्रममा भाग लिन आउँदा रिपोर्टस् क्लबको कार्यालय परिसरबाटै पक्राउ गरेको हो । सादा पोसाकमा आएका प्रहरीले सिटालालाई पक्राउ गरेर महानगरिय प्रहरी परिसर टेकुमा लगेको छन्।
महासचिव सिटौला पक्राउ परेलगत्तै महासंघका अध्यक्षले व्यवसायीलाई तर्साउनका लागि देशभरबाट यातायात व्यवसायी तथा पदाधिकारीलाई पक्राउ गरिएको आरोप लगाएका छन्। सरकारको धरपकडबाट आफूहरूको आन्दोलन निस्तेज नहुने दाबी समेत गरे। ‘सरोजलगायतका पदाधिकारी तथा व्यवसायीलार्इ देशभरबाट पक्राउ गरिएको छ,’ उनले भने, ‘हामीलाई तर्साउनका लागि पक्राउ गरिएको हो। हामी अपराधी होइन, अवरोध गरेको होइन, हामीलाई कुनै डर छैन।’
