कालिकोटः तिला कर्णाली बहुमुखी क्याम्पसमा लक्ष्मणकुमार शाही र भिमप्रसाद आचार्यको चुनावी भिडन्त हुने भएको छ । स्ववियु निर्वाचनको सभापती पदमा घम्साघम्सी भिड्ने भएका हुन् । जिल्लाको पहिलो पटक स्थापना भएको क्याम्पसमा अनेरास्ववियु र नेपाल विद्यार्थी संघको सयुक्त प्यानलबाट लक्ष्मणकुमार हुन् । त्यस्तै अखिल क्रान्तिकारी,राप्रपा र विप्लव निकट विद्यार्थीको प्यानलबाट भिमप्रसाद आचार्य स्ववियु निर्वाचनको मैदानमा छन् । लक्ष्मणकुमार शाही अनेरास्वीयूका हुन् भने भिमप्रसाद आचार्य अखिल क्रान्तिकारीका उम्मेद्वार हुन् । अनेरास्ववियुले सभापती र मनोनित सहसचिव बाहेकका सवै पधादिकारी नेपाल विद्यार्थी संघलाई सुम्पीएको छ । त्यस्तै अखिल क्रान्तिकारीले पनि सभापती र केही पद आफुलाई राखेको छ भने सचिवलगायतका पद अन्य संगठनलाई दिएको छ । १९७ मात्र मतदाता रहेको क्याम्पसमा सभापती पद हात पार्न ९९ मत प्राप्त गर्नु पर्छ ।
अनेरास्ववियु र नेपाल विद्यार्थी संघको सयुक्त प्यानलले आफ्नो पक्षमा जित सुनिश्ति भएको दावि गरेको छ । त्यस्तै अखिल क्रान्तिकारी,राप्रपा र विप्लव निकटको प्यानलले पनि आफ्नो जित पक्का भएको दावि गरेको छ । १९७ मत मध्य १ सय २० भोट अखिल र नेविसंघले आफुसंग भएको बताइएको छ भने अखिल क्रान्तिकारीले पनि १२० भोट रहेको दावी गरेको छ । वैद्य निकटका विद्यार्थीलाई नजिक पार्न दुवै प्यानल सकृय छन् ।
दुईवटै प्यानलको विश्लेषण गर्दा एमाले निकट अखिल र नेपाली कांग्रेस निकट नेविसंघ विचको गुट उपगुटले गर्दा अखिल क्रान्तिकारी बाजी नमार्ला भन्न सकिन्न । अखिल क्रान्तिकारीसंग भएका मत धेरै सुरक्षित देखिन्छन् । अखिल र नेविसंघका मत केहि ढुलमुल भएकाले मत संरक्षण गर्न पार्टीका नेता कार्यकर्ता सकृय देखिन्छन् । एमाले निकट एक नेताले भने, ‘कांग्रेस निकट नेविसंघले धोका नदिएमा चुनावको बाजी मरिसकेको छ । अखिलबाट नेविसंघलाई कुनै पनि हालतमा सफल बनाउछौं ।’
तर कांग्रेसले पनि एमाले निकट अखिलबाट संका गरेको छ ।
अखिलले धोका नदिए सवै पदमा जित पक्का भएको एक नेताले बताए । माओवादी केन्द्रका एक नेताले भने, ‘तिला कर्णाली बहुमुखि क्याम्पसको स्ववियु निर्वाचनलाई जिल्लाको ‘मिनी इलेक्शन’ का रुपमा लिएका छौ । २०७० सालको संविधान सभाको निर्वाचनमा प्रत्यक्ष जितेको जिल्ला हो । त्यो प्रभावले पनि आफ्नो पक्षमा स्ववीयु निर्वाचन हुन्छ ।’ अखिल क्रान्तिकारीले चुनाव घोषणा नहुनु पुर्व नै तयारी गरेको थियो भने अखिल र नेविसंघले सकृय रुपमा चाल गरेको थिएन् । अनेरास्वीयु र नेविसंघले नन्दादेवि बहुमुखी क्याम्पस कोटवाडामा नेविसंघबाट सभापतीमा सयुक्त उम्मेद्वार बनाएका छन् । त्यस्तै अखिल क्रान्तिकारीको बाहुलीयता भएको त्रिवेणी बहुमुखी क्याम्पस मेहलमुडिमा पनि अनेरास्ववियु र नेविसंघले सयुक्त प्यानल बनाएका छन् । सयुक्त प्यानलबाट नेविसंघले सभापती उठाउने भएको छ ।
तस्विर
१ अखिल क्रान्तिकारी,विप्लव र राप्रपा निकट विद्यार्थीकाे सयुक्त प्यानल
२ अनेरास्ववियु र नेविसंघकाे सयुक्त प्यानल
