कालिकाेट: नगरपालिका तथा गाउँपालिकाबाट निर्वाचित जनप्रतिनिधिहरुका लागि दुई दिने बजेट बिनियोजन सम्बन्धि तालिम सम्पन्न भएको छ । कर्णाली क्षेत्र परिवर्तनका लागि शुसासन भन्ने मुल नाराकासाथ जनप्रतितिधिलाई सहभागितात्मक योजना तर्जुमा तथा बजेट विनियोजन सम्वन्धि तालिमको सहजिकरण गरिएको हो ।
जिल्लाको सदरमुकाम मान्ममा आयोजित तालिममा सहभागितात्मक दृष्टिकोण, योजना तर्जुमा, सहभागीताका तत्व,मानज अधिकार तथा शुसासनका विषयमा सहभागीलाई सहजिकरण गरिएको थियो ।
सामुदायीक विकास कार्यक्रमका जिल्ला संयोजक लिलाराम न्यौपाने र लेखनाथ खरेलले सहभागिताका तरिका, सहभागिताका शुचक र योजना तर्जुमा गर्दा कसरी ध्यान दिने भन्ने जस्ता विषयवस्तुमा सहजिकरण गरे ।
स्थानीय स्वायत्त शासन ऐनमा सहभागिताका लागि प्रावधान बारे जानकारी गर्ने, योजना तर्जुमा र बजेट बिनियोजनमा सहभागीता हुँदा हुने फाईदाका बारे जानकारी गराइएको थियो । कार्यक्रमका प्रमुख अथिती ग्रामिण विकास नेपालका अध्यक्ष रविन्द्र शाहीले अल्पसंख्यक, सिमान्तकृत र लक्षित वर्गको योजना तर्जुमा र बजेट विनियोजनमा सहभागिता बढाउन तालिम आवश्यक रहेको बताए ।
ग्रामिण विकास नेपाल (आरडिएन) को आयोजनामा सम्पन्न तालिममा जनप्रतिनिधि,साविकका गाविस सचिव, नागरिक समाज संजाल,अल्पसंख्यक तथा लक्षित वर्गका समुदायका प्रतिनिधिको सहभागीता रहेको थियो । तालिममा सहभागिलाइ मानव अधिकार सम्वन्धि पत्रकार कालिबहादुर मल्लले सहजिकरण गरेका थिए ।
