कालिकाेट : नेपाल विद्यार्थीसंघ र अनेरास्ववियुको सयुक्त स्ववियु निर्वाचन प्यानल र अखिल क्रान्तिकारी र राप्रविसंघका विद्यार्थी विच झडव भएको छ । झडवमा १२ जना घाईते भएका छन् । १२ जना मध्य ८ जना सामान्य घाईते भएका छन् । १ जनाकाे जिल्ला अस्पतालमा उपचार भइरहेकाे प्रहरीले बताएकाे छ । ३ जनालाई स्थानीय मेडिकलमा उपचारका लागि लगिएको प्रहरीले जनाएको छ । अखिल क्रान्तिकारीको ढुगांप्रहारबाट अनेरास्वीयूका मदन सिंह गम्भिर घाईते भएका छन् । उनको जिल्ला अस्पतालमा उपचार भईरहेको छ ।
अनेरास्वीयुका नविन शाही र अलिल क्रान्तिकारीका मन्दिरराज रोकायको स्थानीय मेडिकलमा उपचार भईरहेको छ । प्रहरीले झडवमा अश्रुग्यास प्रहार गरेपछि झडव नियन्त्रण भएको हो । अखिल क्रान्तिकारीले एकजना प्रहरीको छातीमा ढुंगा प्रहार गरेको प्रहरीले जनाएको छ । प्रहरीले छातीमा हानेको ढुंगा हेल्मेडले व्लग गर्दा खासै चोट नलागेको सुनाए ।
नन्दादेवि बहुमुखी क्याम्पस कोटवाडाका स्ववियु निर्वाचन अधिकृत रत्नसिंह साउद लाई कालो मुसो दलिएको थियो । यहि फागुन १८ गते हुने स्ववियु निर्वाचन १६ गते नै घोषणा गरेर सदरमुकाम फर्किएकाले नेपाल विद्यार्थी संघ र अनेरास्ववीयु कालिकोटले साउथलाई कालो मुसो दलेका हुन । नन्दा देवि बहुमुखी क्याम्पसमा तिन वटा विद्यार्थी संगठन स्ववियु निर्वाचनका लागि दर्ता भए पनि अखिल क्रान्तिकारीले क्याम्पस प्रशासनसंग मिलेर लक्ष्मण बुढालाई सभापतिमा घोषणा गरेपछि साउदलाई नियन्त्रणमा लिन खोजिएको बताइएको छ । सोमवार कालिकोट सदरमुकाम मान्ममा विद्यार्थीहरु नाराबाजी लगाइरहेका छन् । कोटवाडाको क्याम्पसमा अनेरास्ववीयु र नेविसंघको सयुक्त प्यानल बनेको छ ।
त्यस्तै अखिल क्रान्तिकारीको एकल मात्र प्यानल घोषणा गरिएको थियो । नेविसंघ र अनेरास्ववियुले जिल्लाका ४ वटा क्याम्पसमा सयुक्त प्यानल बनाएका छन् । जसमा दुई वटा क्याम्पसमा नेविसंघको तर्फवाट सभापति र दुई क्याम्पसमा अनेरास्ववीयुलाई सभापति पद दिने सहमतिमा प्यानल घोषणा गरिएको छ । जिल्लाको पहिलो क्याम्पस तिला कर्णाली बहुमुखि क्याम्पसमा अनेरास्ववियुका लक्ष्मण शाहीलाई सभापतिमा उम्मेद्वारी घोषणा गरिएको छ । त्यस्तै अखिल क्रान्तिकारी र राप्रविसंघले क्रान्तिकारीका भिमप्रासद आचार्यलाई सभापतिको उम्मेद्वारी छ ।
सदरमुकाममा नाराबाजी
सदरमकाम पुगेका निर्वाचन अधिकृत माथि अनेरास्ववीयु र नेविसंघले आक्रमण गर्न खोज्दा दुई वटै प्यानलको नाराबाजी भईरहेको छ । नेविसंघ कालिकोटका अध्यक्षले भने, ‘कानुनलाई आफ्नो हातमा लिएर माओवादीले आफ्नो शिक्षक संगठनको जिल्ला अध्यक्षलाई निर्वाचन अधिकृत बनाए । निर्वाचन अधिकृत र अखिल क्रान्तिकारीको मिलीमतोमा निर्वाचन घोषणा गरिएकाले केहि साथीहरुले धरपकट गरेका हुन ।’ घोषणा गरिएको निर्वाचन फिर्ता लिएर पुनः कानुनी ढंगले निर्वाचन प्रक्रियामा नजादासम्म आन्दोलन गर्ने नेविसंघ र अनेरास्ववियुले चेतावनी दिएको छ । त्यस्तै अखिल क्रान्तिकारीले पनि निर्वाचन अधिकृतलाई कालो मुसो दलेर बजारमा अपमान गरेको भन्दै चर्काे विरोध गरेको छ । दुई प्यानलको विचमा नाराबाजि भईरहेको छ । प्रहरीले दुई समुहको विचमा सुरक्षा दिईरहेको छ । अखिल क्रान्तिकारीले सभापति घोषणा गरेकाले अव फिर्ता नलिने भन्दै नारावाजी गरीरहेका छन् ।
