नवलपरासी, १६ माघ । नेपाल तरुण दलका महासचिव भूपेन्द्रजंग शाहीले देशलाई आर्थिक समृद्धीतिर लैजानुपर्ने बताएका छन् । संगठनकाे काममा नवलपरासी पुगेका शाहीले देशको आर्थिक रुपान्तरणका लागि तरुण दल नै अग्रसर हुनु पर्ने बताए । अार्थिक समृद्धिबिना मुलुक अगाडि नबढ्ने भन्दै यसका लागि तरुण दल परिचालन गर्ने उनले बताए । अार्थिक रुपान्तरणबाटै युवाहरुलाई नेतृत्वमा स्थापित गर्न सकिने महासचव शाहीकाे तर्क छ । देशमा उद्यमशीलताका निम्ति पनि युवाहरु परिचान गर्नुपर्ने उनले बताए । महासचिव शाहीले स्वरोजगारको अवस्था सिर्जना गर्दै देशलाई आर्थिक समृद्धि दिन सकिने समेत बताए ।
आर्थिक समृद्धिकाे अभियान तरूण दलले गर्छ : महासचिव शाही
१६ माघ २०७३, आईतवार १३:४५
