काठमाडौ –माधव नेपाल पक्षमा खुलेका कर्णाली प्रदेशबाट प्रतिनिधित्व गर्ने एमालेका चार जना संघीय सांसदले प्रधानमन्त्री एवं पार्टी अध्यक्ष केपी ओलीलाई साथ दिएका छन् । सांसदहरू मुगुका गोपाल बम, दैलेखका राजबहादुर बुढा र पार्वती विशुंखे तथा सुर्खेतका ध्रुवराज शाहीले खनाल–नेपाल समूह छाडेका हुन् । विशुंखेबाहेक तीनै जना प्रत्यक्ष निर्वाचित सांसद हुन् । प्रधानमन्त्री ओलीसँग छलफलपछि नेपाल समूह छाडेकाले एमालेले उनीहरूसँग स्पष्टीकरण नमागेको हाे ।
नेपालसँगको भेटमा यो टोलीले आफूहरू फुटको पक्षमा नरहेको बताएका थिए । घोषित रुपमा साथ दिन नसक्ने नबताए पनि पार्टी विभाजनको अवस्थामा एमालेमै रहने उनीहरूले नेता नेपालसँग भनिसकेका छन् । यो टोलीले केपी ओलीसँगको भेटमा पनि फुटबाट जोगाउने भूमिका खेल्न आग्रह गरेका थिए । उनीहरुले आफूहरू पार्टी फुटको पक्षमा नरहेको बताए । सांसद शाहिले भने, ‘माधव नेपाल समूह छाडेको भन्दा पनि फुटको पक्षमा नरहेको र विभाजनको अवस्थामा एमालेमै रहने प्रधानमन्त्रीलाई बताएका छौँ ।शिलापत्रडटकमबाट
