कालिकाेट – प्रधानमन्त्री केपी शर्मा ओलीको समर्थनमा कालिकोटमा प्रदर्शन गरेका छन् । अनेरास्वसवयूले प्रधानमन्त्री केपि शर्मा ओलीलाई संकटमा पार्ने काम भइरहेको भन्दै प्रदर्शन गरेका हुन् । अनेरास्ववियूका सह सयोजक सन्तोस महताराको नेतृत्वमा भारतीय चलखेलमा सरकार ढाल्न खोजेको भन्दै अनेरास्ववियूले कालिकोटको सदरमुकाममा प्रदर्शन गरेका छन् ।
सत्तारुढ नेपाल कम्युनिस्ट पार्टी (नेकपा) मा प्रधानमन्त्री एवं अध्यक्ष ओलीको राजीनामा माग भइरहेका बेला समर्थकले सडकमा प्रदर्शन थालेका हुन् । सामाजिक सञ्जाल फेसबुकमा प्रधानमन्त्री ओलीको समर्थनमा बनेको गुरुपहरुको आह्वानमा भएको प्रदर्शनमा सहभागीहरुले ‘आजलाई होइन भोलीलाई ,हाम्रो समर्थन ओलीलाई’, आई एम विथ केपी ओली जस्ता नारा लगाएका थिए । आज देशका सवै ठाउँमा प्रधानमन्त्री केपि शर्मा ओलीको समर्थनमा प्रदर्शन भइरहेको छ ।
