सुर्खेत –विश्वभरी फैलिएको कोरोना भाइरसको संक्रमणले देशसंगै कर्णालीमा निकै त्रास फैलिएकाे वेला पत्रकारकाे पनि स्वाब परिक्षण गरिएकाे छ । नेपाल पत्रकार महासंघ कर्णाली प्रदेशकाे पहलमा कर्णाली प्रदेश सरकार सामाजिक विकास मन्त्रालयले कर्णालीका १० वटै महासंघका शाखामा स्वाब संकलन भइरहेकाे छ ।
सुर्खेतमा पहिलाे चरणमा ४३ जना पत्रकारकाे स्वाब संकलन गरि पीसीआर गर्दा ४३ जनाकै नेगेटिभ रिपाेर्ट आएकाे छ । पत्रकारकाे जन स्वास्थ्य सेवा कार्यालय सुर्खेतले स्वाब सकलन गरेकाे िथयाे ।
बुधबार संकलन गरिएको ४३ जना पत्रकारसहित २१० जनाको सवाव जाँच गर्दा रिर्पोट सबैको नेगेटिभ आएको प्रदेश अस्पताल प्रयोगशाला प्रमूख ओम आचार्यले जानकारी दिए । स्वास्थ्य सेवा कार्यालय सुर्खेतका प्रमुख चेतननीधि वाग्लेले कार्यालय परिसरमा संकलन गरिएका ४३ जना पत्रकारहरुमा कोरोना संक्रमण नभेटिएको बताए । कर्णालीका १० वटै जिल्लाबाट पत्रकारकाे स्वाब सकलन भइरहेकाे सामाजिक विकास मन्त्रालयले बताएकाे छ ।
