सुर्खेत – कर्णालीमा कोरोना संक्रमितको संख्या बढेर १६६ पुगेको छ । कोरोना संक्रमणबाट दैलेखका एक जनाको मृत्युु समेत भइसकेको छ । पछिल्लो समय भारतबाट आउने नागरिक बढेसँग कर्णालीमा दिनप्रतिदिन कोरोना संक्रमितको संख्या बढिरहेको छ ।
जुम्लामा २ जना प्रहरीमा समेत कोरोना संक्रमित देखिएको छ । कर्णाली स्वास्थ्य विज्ञान प्रतिष्ठानले गरेको परिक्षणको रिपोर्टमा २ जना प्रहरी सहित थप ४३ जनामा कोरोना संक्रमण पुष्टि भएको हो ।
प्रतिष्ठानले आइतबार कोरोना संक्रण रिपोर्ट सार्वजनिक गर्दै जुम्लाका १९ र दैलेखका २४ जनामा कोरोना संक्रमणको पुष्टि गरको छ । प्रतिष्ठानले जारी गरेको रिपोर्टमा जुम्लाका २ जना पुरुष प्रहरीमा संक्रमण देखिएको जनाएको छ ।
