कालिकाेट– बेस्ट कर्णाली मिडिया प्रालिद्धारा प्रकाशित मिसन न्युज राष्ट्रिय साप्ताहिक पत्रिकाकाे तेस्रो बार्षिक उत्सव मनाइएको छ । स्थानपनाको दुई बर्ष पुरा भएपछि तेस्रो बार्षिक उत्सव मनाइएको हो । २०७३ साल साउनबाट प्रकाशन सुरु गरिएको मिसन न्युज राष्ट्रिय साप्ताहिक पत्रिका कालिकोटबाट निरन्तर प्रकाशन भइरहेको छ ।
प्रकाशनको तेस्रो वर्ष प्रवेस गरेको अवसरमा पाठकवर्ग, विज्ञापनदाता, स्थानीय प्रशासन, नेपाल पत्रकार महासंघलगयातका सरोकारोवालालाइ पत्रिकोतर्फबाट धन्यबाद प्रकट गरिएको छ । पत्रिका स्थापनाको तेस्रो वर्षसम्म साथ र सहयोग गर्ने विभिन्न निकायलाई पत्रिकाका सम्पादक पवित्र शाहीले धन्यवाद ज्ञापन गरेका हुन् ।
नेपाल सरकारको प्रेस काउन्सिलले मिसन न्युज साप्ताहिक पत्रिकालाई (ख) बर्गमा वर्गीकरण भएको सार्वजनिक गरेको छ । पत्रिका स्थापनाको तेस्रो वर्षभित्रै ख बर्गमा बर्गिकृत भएको हो । विगतको दुई वर्षमा सत्य तथ्य र निष्पक्ष रुपमा समाचार संकलन गरी प्रकाशन गरिएको छ । भावि दिनमा पनि समाजमा हुने राम्रा कामको प्रोत्साहन र नराम्रा कामको खबदारी गर्ने सम्पादक शाहीले प्रतिबद्धता गरेका छन् । बेस्ट कर्णाली मिडिया प्रालिका अध्यक्ष तथा मिसन न्युजका सम्पादक पवित्रकुमार शाहीको अध्यक्षता, नेपाल पत्रकार महासंघ कालिकोटका अध्यक्ष तुलाराम पाण्डेको प्रमुख आथित्यतामा बार्षिक उत्सव मनाइएको थियो ।
कार्यक्रमका प्रमुख अतिथि तुलाराम पाण्डेले पत्रिका निरन्तर प्रकाशन गरेर पाठकको मन जित्न सफल भएकोमा शुभकामना व्यक्त गरेका थिए । बार्षिक उत्सव कार्यक्रममा स्थानीय तथा राष्ट्रिय संचार माध्यामका कार्यरत पत्रकारहरुको सहभागीता रहेको थियो । बेस्ट कर्णाली मिडिया प्रालिद्धारा साप्ताहिक पत्रिका प्रकाशन हुनुका साथै मिसन इन्युज डटकम अनलाइन पत्रिका समेत संचालनमा आइरहेको छ ।
