कालिकोट : जिल्ला प्रहरी कार्यालयमा कार्यरत एक हवल्दारले एक दर्जन बढी म्यादी प्रहरी कुटेपछि आतंक मचिएको छ । प्रहरी हवल्दार प्रेम चन्दले म्यादी प्रहरीलाई लाईन लगाउदै कुट्दै गरेका हुन् । म्यादी प्रहरीको विहान — बेलुकाको रोलकालमा हवल्दारले कानका जाली तात्ने गरी कुटपीट गरेको म्यादी प्रहरीले गुनासो गरेका छन् । ५ जना म्यादी प्रहरीलाई यातना दिएर कुटपिट भएपछि म्यादी प्रहरीले प्रतिकार गरेका थिए ।
लामासमय सम्म म्यादी प्रहरीलाई र्दुव्यबहार र पीट्ने काम गरेपछि म्यादीले अन्ततः प्रतिकार गरेका सुनाए । अर्का हवल्दार धिरेन्द्र शाहीले आफुलाई राम्रो व्यबहार गरेको सुनाउदै म्यादी प्रहरी प्रभुजन सेजुवालले भने, ‘यस्तो यातना र चोट जीवनमा खाइएन । हामिलाई जसरी पीटेको छ । त्यसरी नै कार्वाही होस ।’
म्यादी प्रहरीले अन्यया नसहिसकेपछि जिल्ला प्रहरी प्रमुख (डियस्पी) योगेन्द्र खड्कालाई गलत गर्ने हवल्दारको कार्वाहीको माग गर्दै निवेदन दिएका छन् । सोमवार विहान जिल्ला प्रहरी भित्र पसेका हवल्दार चन्द असुरक्षाका काराण बाहिर निक्लेका छैनन् । हवल्दार चन्दले पुरुष म्यादी प्रहरीलाई महिला म्यादीको टागमुनि छिराउने र घोडा चढे जस्तै गुर्नु पर्ने जस्ता काम समेत गराएको पीडितले बताएका छन् ।
मान्मको खुल्ला मंचमा सोमवार विहान रोलकालमा व्यस्त रहेका म्यादीलाई नाक, मुख, छाति र कानमा मुक्का प्रहार गरेको म्यादी प्रहरी लोकेन्द्र न्यौंपानेले बताए । उनले भने, ‘५ जना साथी त खाना खान पनि सक्दैनन् । छाति र कानमा धेरैको चोट लागेको छ ।’ स्थानीय निर्वाचनका लागि म्यादी प्रहरीमा नाम निकालेर कार्यक्षेत्रमा खटिएर जिल्ला फर्किएका दर्जनौ म्यादी प्रहरी हवल्दार चन्दबाट कुटिएपछि वितन्डा मचिएको छ । ड्युटीमा खटिका म्यादी प्रहरीले सोमबार जिल्ला प्रहरीको गेटमा ५ पटक कार्वाहीको माग गर्दै धर्ना दिएका थिए ।
खाडाँचक्र नगरपालिका — ३ का अविराम पाण्डेको छाति र कानमा चोट लागेको छ । पीडित पाण्डेले भने, ‘लाईनमा लागेको बेला छाति र कानमा चन्दले हानेका हुन् ।’ छोरालाई कुट्ने हवल्दारलाई तत्काल कार्वाही नभए आन्दोलन गर्ने पिडित पाण्डेका वुवा लालप्रसाद पाण्डेले बताए । उनले भने, ‘छोराले रगत उल्टी गरेको छ । छातिमा चोट छ तर अहिलेसम्म उपचार भएको छैन् ।’ म्यादी प्रहरी प्रभुजन सेजुवाल, लोकेन्द्र न्यौंपाने, महिला म्यादी प्रहरी नौला बुढालगायतका लाई कुटपीट र र्दुव्यबहार गरेको म्यादी प्रहरीले गुनासो गरेका छन् ।
हवल्दार चन्दले के कति कमजोरी गरेका हुन् त्यसको अनुसन्धान भईरहेको प्रहरीले जनाएको छ । दैलेख घर भएका हवल्दार चन्द प्रायः मान्म बजारमा होहल्ला गर्नेलाई कुट्ने र पक्राउ गर्ने जिम्मा लिने गरेका थिए । उनि जिल्ला प्रहरी कार्यालयको सुरक्षामा छन् ।