कालिकोट — सरकारले स्थानीय तहको निर्वाचन घोषणा गरेपछि जिल्लामा उत्साह छाएको छ । १९ वर्षसम्म स्थानीय चुनाव नहुँदा निराशमा रहेका स्थानीयवासीमा उत्साह छाएको हो । जिल्ला स्थित राजनीतिक दल,नागरिक समाजलगायतका स्थानीयवासी स्थानीय चुनाव हुने संकेत पाएपछि निकै खुसी छन् । स्थानीय निर्वाचन घोषणासंगै निर्वाचन आयोगले निर्वाचन तालिका सार्वजनिक गरेपछि चुनाव हुनेमा स्थानीयले झनै विश्वास गरेका छन् ।
जिल्ला स्थित राजनीतिक दलका नेताले बर्तमान सरकारले चुनाव घोषणा गर्छ या गर्दैन भन्नेमा संका गरेका थिए । तर स्थानीय चुनाव घोषणा भएपछि जिल्लामा चहलपहल सुरु भएको छ । स्थानीय चुनाव घोषणा गरेपछि नेपाली कांग्रेस कालिकोटले लामो समयसम्म जिल्ला कार्य समितिको वैठक बस्यो । जिल्ला अधिवेशन पश्चात कार्य समितिले पुर्णता पाएको थिएनन् । तर सरकारले स्थानीय चुनाव घोषणा गरे लगतै वैठक वसेर पुर्णता पाएको छ । नेपाली कांग्रेसले आफ्नो पार्टीमा निकै चहलपहल ल्याएको छ । त्यस्तै नेकपा एमाले कालिकोटले पनि आफ्ना पार्टीका गतिविधिहरु सुरु गरेको छ ।
गाउँगाउँमा नेता कार्यकर्ताले चुनावी अभियान सुरु गरिसकेका छन् । एमाले अध्यक्ष नगिन्द्र शाही नेशनलले भने, ‘देश अव चुनावमा गएको छ । जिल्लाका सवै गाविस र टोल—टोलमा एमाले पुग्छ । तर देशभर एकसाथ स्थानीय नीकायको चुनाव तोक्दा अलि संका पनि लाग्छ । कतै यो सरकारले चनाव गराउन सक्दैन जस्तो लाग्छ । ’ नेपाली कांग्रेस कालिकोटका सभापती हर्षबहादुर बमले भने, ‘चुनाव पक्का हुने भो । अव जनतामा छाएको निराशबाट बल्ल आशा गरेका छन् । स्थानीय चुनाव नहुँदा वर्षौदेखि विकासको गती सुस्ताएको छ । अव चुनावमा गए केहि परिवर्त आउछ । ’ स्थानीय चुवाव सतप्रतिशत हुने स्थानीय विकास अधिकारी प्रदिपराज अधिकारीले बताए । उनले भने, ‘सरकारले स्थानीय चुनावको घोषणा पश्चात निर्वाचन आयोगलाई पनि चुनाव गर्ने वातावरण सहज भएको छ ।
चुनाव मिति घोषणासंगै निर्वाचन कार्य तालिका वनिसक्दा अव चुनवा हुने नहुने कुरामा संका नगर्दा हुन्छ ।’ जिल्ला स्थित सवै दलका नेता कार्यकर्ता र स्थानीयवासीले चुनावको मिति घोषणा गर्दा उत्साहित देखिन्छन् । जिल्ला निर्वाचन कार्यालयले पनि आफ्ना चुनावी गतिविधी धमाधम आगाड बढाएको छ । केहि दिन अघि नेकपा एमालेले पाँखा गािवसमा भव्य भेला सम्पन्न गरेकाे प्रचार विभाग प्रमखु कमलबहादुर शाहीले बताए । जिल्ला निर्वाचन कार्यालयका प्रमुख जितबहादुर शाहीका अनुसार कार्यालयबाट हुने काम भईरहेका छन् । चुनाव पक्का हुने भएको छ ।
