कालिकाेट : प्रेस चौतारी नेपाल कालिकोटका अध्यक्ष तथा नेपाल पत्रकार महासंघ कालिकोटका उपाध्यक्ष पवित्रकुमार शाहीलाई सामाजिक संजालमार्फत धम्की आएको छ । प्रेस चौतारी नोपल कालिकोटले प्रेस विज्ञप्तीमार्फत अराजक व्यक्तिहरुले सामाजिक संजाल (फेसवुक) मार्फत ज्यान मार्ने धम्कीको गम्भिर ध्यानाकर्षण भएको उल्लेख गरेको छ ।
फेसवुकमा मार्फत मनसिंह शाही, विरेन्द्र आचार्य, प्रभानन्द आचार्य र नरेन्द्र कालिकोट नाम गरेका ब्यक्तीले सामाजिक संजाल मार्फत पत्रकार शाहीलाई दैलेखका डेकेन्द्र थापाको जस्तै हालत बनाउने धक्की दिएका हुन । २०७३ साल फाल्गुण १६ गते कालिकोटको सदरमुकाम मान्ममा विद्यार्थी संगठनको दोहोरो झडवको समाचारलाई लिएर धम्की दिइएको प्रेस चौतारी नेपाल कालिकोटका सचिव खडानन्द अधिकारीको हस्ताक्षर विज्ञप्तीमा लेखिएको छ ।
पत्रकार शाहीले नागरिक दैनिक, एभिन्युज टेलिभिजन र मिसनईन्युज डट कम अनलाईन पत्रिकामा स्ववियु निर्वाचन अधिकृतलाई कालो मुसो, विद्यार्थी संगठनविच झडव १२ जना घाईते शिर्षकमा समाचार सम्प्रेशण गरेका थिए ।
मिसनइन्युज डटकम अनलाई पत्रिकाका सम्पादक समेत रहेका पत्रकार शाहीलाई मिसनईन्युज डटकम पत्रिकाको कमेन्ट र स्वयम आफ्नै स्टाटस मार्फत ज्यानमार्ने धम्की आएको बताएका छन् । जिल्लाको सदरमुकाम मान्ममा स्ववियु निर्वाचनको विषयमा विद्यार्थी संगठन विचको विवादपछि भएको झडवको समाचार संकलन तथा प्रकाशनको विषयमा लिएर धम्की आएको हो ।
माओवादी केन्द्र निकट अखिल क्रान्तिकारी समर्थक व्यक्तिहरुले सामाजिक संजाल मार्फत पत्रकारलाई धम्की दिने अंगभंग गर्ने र दैलेखका पत्रकार डेकेन्द्र थापाको हालत जस्तै बनाइदिने धम्कीप्रति प्रेस चौतारी नेपाल कालिकोटको गम्भिर ध्यानआकर्षण भएको विज्ञप्तीमा छ ।
व्यवसायीक पत्रकारिताको मर्म अनुसार समाचार संकलन र सम्प्रेशणमा सक्रिय पत्रकार माथि भएको धम्कीको घोर भत्र्सना गर्दै सामाजिक संजालको दुरुपयोगमा संलग्नकर्तालाई साईवर कानुन अनुसार पक्राउ गरि तत्काल कार्वाहीको जोडदार माग गर्दछौ विज्ञप्तीमा लेखिएको छ ।
सम्वद दल नेकपा माओवादी केन्द्रसंग यस विषयमा आधिकारिक धाराणसहित संलग्नलाई कार्वाही गर्न माग गर्दछौ । अन्यथा पत्रकार माथि सुरक्षाको वेवास्ता गर्दै यस्ता खाले हर्कत नरोकिएमा माओवादी केन्द्रका समाचार बहिस्कार गर्ने प्रेस विज्ञप्ती मार्फत जानकारी गरिएको छ । साथै स्थानीय प्रशासन तथा प्रहरीलाई जिल्लामा रहेका सम्पुर्ण पत्रकारको सुरक्षाको माग गर्दै दोसीलाई कार्वाही नगरे कडा आन्दोलन गर्ने चेतावनी दिइएको छ ।