जुम्ला – नेकपा (एमाले) का केन्द्रीय सदस्य नगिन्द्र शाही (नेस्नल) ले वर्तमान सरकारले जनताको आवश्यक मुद्दामा गम्भीरतापूर्वक नभई कानमा तेल हालेर बसेकाे आराेप लगाए ।
मिसन ग्रासरूट तथा पार्टी सुदृढीकरण अभियान अन्तर्गत जुम्लाको पातारासी गाउँपालिका- ४ काे प्रशिक्षण कार्यक्रममा नेता शाहीले साे कुरा बताएका हुन ।
नेता शाहीले भने “एमाले बलियो हुनु नै देश बलियो हुने कुरा हो । अहिले देश र जनताकाे मुद्दा कमजोर हुँदै गइरहेका छन ।
खिचडी सरकार कानमा तेल हालेर निदाइ रहेको छ ।” उक्त कार्यक्रममा कर्णाली प्रदेश कमिटी सदस्य जयबहादुर खत्रि, हंस रोकाया लगायतका नेताहरूले प्रशिक्षण र अभियानका वारेमा प्रष्ट पारेका थिए ।
पुन्न ऐडी अध्यक्ष, उपाध्यक्ष रामबहादुर बुढा,सचिब रतन बुढालगायत २१ सदस्यीय वडा कमिटी गठन गरिएकाे जनाईएकाे छ ।
नवनिर्वाचित कमिटीका पदाधिकारीलाई सपथ र प्रशिक्षण सहित कार्यक्रम सम्पन्न भएको बताईएकाे छ ।
