सुर्खेत – अख्तियार दुरूपयोग अनुसन्धान आयोग सुर्खेतले ८ लाख घुससहित गाउँपालिका अध्यक्षलाई पक्राउ गरेको छ । जाजारकोट जुनीचाँदे गाउँपालिका अध्यक्ष कृष्णबहादुर केसीलाई सुर्खेत कटकुवा हेल्थ पोष्टको घण्टाघर अगाडी रंगेहात पक्राउ गरेको हो । उनलाई पक्राउ गर्नका लागि अख्तियारमा उजुरी गरिएको अख्तियार दुरूपयोग अनुसन्धान आयोग सुर्खेतले जनाएको छ ।
निर्माणको रकम उपभोक्ता समितिबाट बाग्रेनिङग् गरी लिएको अवस्थामा अख्तियारले पक्राउ गरेको हो । उनको साथमा जाजरकोटकै चन्द्रबहादुर वस्नेत समेत पक्राउ परेका छन् । उपभोक्ताबाट दुवै जनाले ८ लाख असुलेको अख्तियारले जनाएको छ । थप अनुसन्धानका लागि मुचुल्का भइरहेको जनाइएको छ । जुनीचाँदे गाउँपालिकाका अध्यक्ष कृष्ण बहादुर केसीलाई ८ लाख घुससहित पक्राउ गरिएको अख्तियार स्रोतले जनाएको छ ।
भ्रष्टाचार विरुद्धको सहकार्य सुशासनका लागि अपरिहार्य नारा बोकको अख्तियार दुरूपयोग अनुसन्धान आयोग सुर्खेतल घुससहित पहिलो पटक जनप्रतिनिधिलाई कर्णाली प्रदेशबाट पक्राउ गरेको हो ।
