कालिकोट- कानुन व्यवसायीहरूको संगठन बार एसोसिएसन कालिकोटको अध्यक्षमा दमनराज बम निर्वाचित भएका छन्। शनिबार भएको बार एसोसिएसन कालिकोटको चौथो अधिवेशनले बमलाई सर्वसम्वत अध्यक्ष चयन गरेको हो।
उपाध्यक्षमा बलप्रसाद संज्याल, सचिवमा कृष्णप्रसाद आचार्य, कोषध्यक्षमा अमलराज शाही चयन गरेको बार एसोसिएसन कालिकोटका नवनिर्वाचित अध्यक्ष बलमे बताए । त्यस्तै, सदस्यमा प्रबलजंग शाही, खडानन्द चौलागाई, रंगराज सिंखाडा, तुलाराज बिष्ट सदस्य चयन भएका छन् ।
सदस्यमा निर्वाचित भएका खडानन्द चौलागाई कालिकोटका शुभकालिका गाउँपालिका अध्यक्ष हुन्, सदस्यमा निर्वाचित भएका तुलाराज बिष्ट पूर्व संबिधानसभा सदस्यका सभासद हुन्। अधिवेशनले हिक्मतबहादुर बिष्ट प्रतिनिधि परिषद् सदस्यमा चयन गरेको छ।
