कालिकोट- जिल्लाको सान्नी त्रिवेणी गाउँपालिकामा पहिलो पटक माटो परिक्षण शिवीर संचालन गरिएको छ । किसानको आवश्यकतालाई मध्यनजर गर्दै गाउँपालिकाले माटो परिक्षण शिविर संचालन गरेको हो । सोमवार सुरु गरिएको माटो परिक्षण शिविरमा ५६० वटा नमुना माटो परिक्षण गरिएको कृषि शाखा प्रमुख पशुराम काफ्लेले बताए ।
अधिकांस नमुना माटोमा खाद्य तत्व भेटिएको शाखा प्रमुख काफ्लेले बताएका छन् । माटो परिक्षण शिविरले किसानलाई राहत पुग्ने गाउँपालिका अध्यक्ष डम्बरबहादुर शाही (डिवि) ले बताए । माटो परिक्षणपछि विभिन्न जातको अन्न उत्पादन, फलफुलका विरुवा रोप्ने र तरकारी खेति गर्न किसानलाई सहज हुने अध्यक्ष शाहीले बताए ।
माटो परिक्षण गराउन गाउँपालिकाको कार्यालयमा साविकका, मुम्रा, रुकु र मेहलमुडी गाविसका सयौं किसान सहभागी भएका छन् । क्षेत्रिय माटो परिक्षण प्रयोगशाला नेपालगंजको प्राविधिक सहयोग र सान्नी त्रिवेणी गाउँपालिकाको आयोजनामा शिविर संचालन गरिएको हो । उक्त शिविर सोमवार देखि वुधबारसम्म संचालन गरिने आयोजकले बताएको छ ।
पहिलो पटक गाउँपालिकाले किसानलाई राहत पुग्ने काम गरेको स्थानीय कृषक नवराज शाहीले बताए । माटो परिक्षण पहिलो पटक गाउँपालिकामा गराएर कृषि विज्ञको सलाह अनुसार खेतवारीमा काम गर्ने अर्का कृषक अनिपाल देवकोटाले बताए । माटो परिक्षण गर्न क्षेत्रिय माटो परिक्षण प्रयोगशाला नेपालगंजका माटो विषशेज्ञ देवबहादुर केसी सहभागी भएका छन् । कुन माटो खाद्य तत्व छ कुन छैन् यर्थात रुपमा परिक्षण गरेर पत्ता लागाउने गरिएको छ ।
शिविरमा माटो चाँज गर्दा अधिकांस कृषी योग्य माटो भएको माटो विज्ञले जनाएका छन् । माटो परिक्षण गर्दा केहि सामान्य मात्रामा माटोमा पोटास र फसफोरस देखिएको शाखा प्रमुख पशुराम काफ्लेले बताए ।
