पवित्रा जैशी-
कालिकोट— प्रेस चौतारी नेपाल र प्रेस सेन्टर नेपाल कालिकोट को संगठन एकता जिल्ला संयोजन समिति गठन भएको छ । प्रेस चौतारी र प्रेस सेन्टरको संयुक्त वैठकले संयोजन समिति गठन गरेको हो । दुई वटै संगठनका पदाधिकारीले संयोजन समितीको संयोजकमा प्रेस चौतारी नेपाल कालिकोटका अध्यक्ष पवित्रकुमार शाहीलाई चयन गरेको छ । सह संयोजकमा प्रेस सेन्टर नेपाल कालिकोटका अध्यक्ष अर्जुनप्रसाद भट्टराई रहेका छन् ।
शनिवार चौतारीका अध्यक्ष शाहीको अध्यक्षतामा वसेको वैठकमा प्रेस चौतारी नेपालका केन्द्रीय सदस्य कालीवहादुर मल्लले संयोजन समिती घोषणा गरेका थिए । नेकपा माओवादी केन्द्रका सचिवालय सदस्य एवम मन्त्री महेन्द्रवहादुर शाहीको प्रमुख आतिथ्यतामा वसेको संयुक्त वैठकले संयोजक र सह संयोजक गरी ९ सदस्ययी संयोजन समिती बनेको बताइएको छ ।
यस्तै वैठकले बाम गठवन्धनका तर्फवाट प्रतिनिधिसभा र प्रदेशसभाका उम्मेदवार विजयी गराउन रमेश रावल संयोजक र दिलिप शाही सह संयोजक रहेको चुनाव प्रचार प्रसार समिति गठन गरिएको छ । यस्तै प्रदेश (क) मा चौतारीका उपाध्यक्ष नन्दकृष्ण अधिकारीको संयोजक र प्रदेश (ख) मा प्रेस सेन्टरका रत्न कार्कीको संयोजकत्वमा प्रदेश क्षेत्र स्तरिय चुनाव प्रचार प्रसार समिति गठन गरिएको छ ।
वैठकमा प्रदेशसभा उममेदवारहरु महेन्द्रवहादुर शाही र कुर्मराज शाही, वाम गठवन्धन निर्वाचन परिचालन समितिका संयोजक नगिन्द्र शाही (नेशनल), माओवादी केन्द्रका केन्द्रीय सदस्य जीवन वुढाले आफ्नो धारण राखेका थिए । बैठकमा माओवादी केन्द्रका केन्द्रीय सदस्य धनजित शाही, एमाले उपाध्यक्ष रमेश शाही, माओवादी केन्द्रका नेता नेत्रराज शाही, एमाले सल्लाहाकार संयोजक चन्द्रवहादुर शाही लगायतका नेताकोे उपस्थिती रहेको थियो ।
