दैलेख: शिरमा ढाकाको टोपी । आखाँमा चस्मा । सुईटर र कोटमा चट्ट सजिएका । भरलाग्दा र आशलाग्दा नेता । उनि हुन् दैलेख आठविस नगरपालिका—६ नम्बर वडामा निर्वाचि अध्यक्ष धीरबहादुर शाही । शाही निकटतम प्रतिद्न्दी नेकपा एमालेका उम्मेद्वारलाई पछिपार्दै नेपाली कांग्रेसबाट विजयी भए । स्थानीय तहको निर्वाचन नभएको दुई दशकसम्म निर्वाचनको पर्खाइमा बसेका धिरबहादुर शाहीको सोच बल्लतल्ल पुरा भएको छ ।
युवा पुस्तालाई धैर्य गर्न आग्रह गर्दै ६३ बर्षको उमेरमा नगरपालिकाको वडा अध्यक्षको टिकट लिएर जित हात पारेका हुन् । दैलेखको साविक सिहाँशैन गाविसमा शाहीले लामो समयसम्म सामाजिक सेवा गरे । सिहासैनमा रहेको कालिका माध्यामिक विद्यालयमा व्यवस्थापन समितिको २६ बर्षसम्म अध्यक्ष भए । बामे सार्ने अवस्थाको विद्यालाई २६ बर्षसम्म निरन्तर सेवा गर्दा उच्च मावि बनाउन सफल भए ।
उनको विद्यालयप्रतिको सेवालाई मुल्यांकन गर्दै मतदाताले विजयीको श्रीमाला पहिरिएका हुन् । २०४३ सालमा निजी स्रोतबाट संचाल भएको विद्यालय हाल ३१ बर्षसम्म ‘प्लश टु’ सम्म पुगेको छ । विद्यालय २०४५ मा प्रावि स्वीकृत भयो । २०५७ मा निमावी र २०६३ मा मावि बन्न पुग्यो । २०६७ मा जिल्लाकै नमुना उमावि भयो ।
विद्यालयमा उनले गरेको योगदानलाई मुल्याङ्कनगर्दै २०६८ मा जिल्लाकै उत्कृष्ठ विद्यालय ब्यवस्थापन समितिका अध्यक्ष भए । नेपाल सरकार शिक्षा मन्त्रालय मार्फात जिल्ला शिक्षा दैलेखले व्यवस्थापनमा उनलाई उत्कृष्ठ काम गरेको भन्दै भव्य सम्मानका साथ पुरष्कृत गर्यो ।
राजनीतिक गतिविधिभन्दा पनि प्रायः सामाजिक सेवामै उनको चासो थियो । शाहीले २०६९ स्वयमले अभिभावकसंग विदा मागेर राजिनामा दिए । विद्यालयदेखि समाजका हरेक गतिविधिसम्म राम्रो काम गर्दै आए । २०५६ मा साविकको सिहासैन गाविसमा नेपाली कांग्रेसको सभापति समेत भए । २०४७ देखि पार्टीका क्रियाशिल सदस्यता लिएका शाहीले राजनीति गर्दा पनि पार्टी र स्थानीयको मन जितेका थिए ।
नगरपालिकाको वडा अध्यक्षमा निर्वाचित शाही भन्छन्, ‘सेवा गरे मेवा मिल्छ, भने जस्तै समाजसंग घुलमेल भएर सेवा गरेको फल प्राप्त गरेको छु । अब आफ्नो पार्टीको नेता मात्र हैन वडाका सबै नागरिकलाई सम्मान ब्यबहार गर्ने छु ।’ उनले भने, ‘जनताले दिएको मतको ऋण अवस्य पनि सेवा गरेर तिर्ने छु । २६ बर्षसम्म विद्यालय व्यवस्थापन समितीमा इमान्दार भएर काम गरेको मुल्यांकन मतदाताले गरे ।’ ‘उनले थपे, अब नगरपालिकाकै नमुना वडा बनाउनतर्फ निरन्तर काम गर्ने छु । सबै पार्टी र जनताको साथ र सहयोग चाहिन्छ । समृद्ध वडा बनाउँन सधै पहल गर्ने छु ।’ शाहीले भने ‘उमेरले पनि ६३ बर्षको भए । अब जनताको सेवामै व्यस्त हने छु । व्यक्तिगन स्वार्थभन्दा माथि उठेर सेवा प्रदान गर्नेछु ।’
