कालिकोट- जिल्लामा बाम गठबन्दनमा महाभाणमैलो भएपछि बाम गठबन्दनमा चर्काे विबाद भएको छ । दुई प्रदेश सिट र एक प्रतिनिधिसभाको सिट गरी तिन भए पनि बाम गठबन्दनमा उम्मेदवार छनौटमा चर्काे विबाद भएको हो । नेकपा एमाले र माओवादी केन्द्रका नेताविच सहमती नभएपछि गठबन्दनमा विबाद बल्झिएको छ ।
साविकका १७ गाविसमा पर्ने एक नगरपालिका र ४ वटा गाउँपालिका भएको प्रदेश (ख) मा बाम गठबन्दबाट कसैको पनि अहिलेसम्म टिकट आएको छैन् । प्रदेश (ख) मा एमाले र माओवादी केन्द्रले टिकट जुधाएका छन् । आईतबार नेकपा एमाले र माओबादी केन्द्रका जिल्ला स्तरका नेतको बैठक जारी रहेको छ । स्रोतका अनुसार अव यो विवादले मतदातासम्म असर पर्ने देखिन्छ ।
माओवादी केन्द्रले प्रतिनिधिसभा प्रत्यक्षका लागि विना विभागीय मन्त्री महेन्द्रबहादुर शाही र प्रदेश (ख) का लागि जिल्ला अध्यक्ष दुर्गबहादुर रावत (उज्वल) लाई टिकट सुम्पीएको छ । एमाले पार्टीले पनि दुर्गबहादुर रावतलाई टिकट दिएको क्षेत्रबाट एमालेका कुर्मराज शाहीलाई टिकट दिएको छ ।
संचार माध्याममा प्रदेश (ख) बाट नेकपा एमाले कालिकोटका अध्यक्ष नगिन्द्र शाही (नेशनल) को उम्मेदवारी रहने भनिए पनि अहिलेसम्म टुंगो नलागेको जनाइएको छ । दुई पार्टीविचको बैठकमा प्रतिनिधिसभा र प्रदेशसभाको टिकट फेरबदल हुने खतरा बढेको एक नेताले बताए ।
गएको २०७० को संविधानसभा निर्वाचनमा झिनो मतले पराजय भएको एमालेमा दुई प्रदेश क्षेत्रमा टिकट नपाएपछि निकै समस्या चुलिएको छ । प्रतिनिधिसभा प्रत्यक्षका लागि नेकपा एमालले माअावादीले स्वीकार गर्ने र क र ख मा प्रदेश सिट एमालेले लिने केन्द्रमा माग गरिए पनि त्यसकाे ठकि विपरित भएपछि विवाद फैलिएकाे नेताहरूले जनाएका छन् ।
