काठमाडौं- नेपाली कांग्रेसका युवा नेता तथा नेपाल तरुण दलका महासचिव भूपेन्द्रजंग शाहीले सांसदहरकाे तलब काेराेना काेषमा जम्मा गर्न जरुरी भएकाे बताएका छन् ।
नेता शाहीले संघ र प्रदेशका प्रधानमन्त्री, मुख्यमन्त्री, मन्त्री देखि सबै सांसदकाे एक वर्षको तलब कोरोना रोकथाम कोषमा जम्मा गर्नुपर्ने बताएका हुन्। कोरोना कोषमा जम्मा गर्न सुरक्षाकर्मीहरुको पारिश्रमिक कट्टा गरिने निर्णयकाे नेता शाहीले आपत्ति जनाए ।
शाहीले विपदमा खटिने सुरक्षाकर्मीको नभई सांसदहरुको तलब काटिनुपर्ने बताएका हुन् । सामाजिक सञ्जालमार्फत शाहीले आफ्नो ज्यानको प्रवाह नगरी मैदानमा खटिएका प्रहरीको पारिश्रमिक कट्टा गर्नु जनपक्षीय काम नभएकाे टिप्पणी गरेका हुन् ।