कालिकोट-कर्णाली राजमार्गको कालिकोट सडकखण्डको शुभकालिका गाउँपालिका–१ को दैखोलामा भे १ ख २४०६ नम्बरको फोर्स गाडी दुर्घटना हुदाँ ३ जना घाइते भएका छन् । जुम्लाबाट सुर्खेत आउँदै गरेको देउती यातायातको गाडी ब्रेक फेल भएर दुर्घटना भएको हो ।
दुर्घटनामा परि ३ जना सामान्य घाइते भएको प्रहरीले जनाएको छ । गाडीमा ३२ जना सवार रहेको घटनास्थलबाट कालिकोटका शिक्षक टोपबहादुर शाहीले बताए । क्षमताभन्दा बढी यात्रु भएका कारणले दुर्घटना भएको देखिन्छ शिक्षक शाहीले बताएका छन् ।
शनिबार दिउसो ३ः४० बजे दुर्घटना भएको र क्षमताभन्दा बढी यात्रु बोकेका कारणले दुर्घटना भएको जिल्ला प्रहरी कार्यालय कालिकोटले जनाएको छ । घटनाको आधिकारिक जानकारी आउँन वाँकी रहेको प्रहरी नायव निरिक्षक श्यामवावु ओलियले बताए ।
