काठमाडौँ – चीनमा भइरहेको मिस वर्ल्ड २०१८ मा मल्टिमिडिया अवार्ड जितेर फाइनलमा पुग्न सफल श्रृंखला खतिवडाले ब्यूटी विद अ पर्पस अवार्ड पनि हात पार्न सफल भएकी छिन् ।
यो अवार्डसँर्ग उनले सारा नेपालीका लागी दोहोरो खुसी दिएकी छन् ।
केही बेर अघि आफ्नो इन्स्टाग्राममा भिडियो शेयर गर्दै श्रृंखलाले आफूले ब्यूटी विद अ पर्पस अवार्ड पनि जितेको खबर सुनाउँदै हर्षविभोर भएकी थिइन् ।उनले अत्यन्तै खुसी हुँदै गला भारी भएको आवाजमाआफूले मल्टिमिडिया अवार्ड जितेकोमा खुशी साट्दै श्रृंखलाले सम्पूर्ण नेपालीलाइ धन्यवाद दिँदै आफूले ब्यूटी विद अ पर्पस अवार्ड पनि जितेको सुनाइन् ।
उनले खुशी मिसिएर गला भारी भएको आवाजमा भनिन्, ‘एण्ड, आर्इ वन द ब्यूटी विद अ पर्पस अवार्ड, रुँदा रुँदा आँखा सुन्निन लाइसक्यो। बल्ल टाइम पाएँ हजुरहरुसँग शेयर गर्नलार्इ ।’ भिडियोमा उनले ब्यूटी विद अ पर्पस अवार्ड जित्नु आफ्नो लागि मिस वर्ल्डको उपाधि जितेसरह भएको पनि बताएकी छन् ।
यसका बारेमा श्रृंखलाले आधिकािरक जानकारी गराए पनि मिस वर्ल्डको आधिकारिक पेजमा आउन भने बाँकी छ । ब्यूटी विद अ पर्पस श्रृंखलालार्इ दिलाउन मदत गर्ने उनको पर्पस अर्थात उद्धेश्य भने मकवानपुर जिल्लाको चेपाङ बस्तीमा हेल्थपोष्ट निर्माण गर्ने रहेको छ ।