कालिकोट: देशभर नेपाल पत्रकार महासंघका शाखाहरुमा अधिवेशन भईरहेका वेला कालिकोटमा पनि अधिवेशनको माहोल तातेको छ । अधिवेशन पश्चात नेतृत्व हात पार्न प्रेस संघ संगठन लागि परेका छन् । फागुन २६ गते उद्घाटन हुने चौंथो जिल्ला कार्य समितीको अधिवेशनबाट अध्यक्षलगायतका पद धेरैजसोले ताकिसकेका छन् । अधिवेशन कसरी सम्पन्न गर्ने भन्दा पनि कुन पद कसरी हात पार्ने होला भन्ने अटकलबाजीमा पत्रकार छन् ।
नेपाल पत्रकार महासंघ कालिकोटका अध्यक्ष कालीबहादुर मल्ल जिल्ला कार्य समितीबाट १२ बर्षपछि हात धुने भएका छन् । दुई कार्यकाल सचिव र दुई कार्यकाल अध्यक्ष भएका मल्ल १२ बर्षपछि शाखाको नेतृत्वबाट बाहिरीने पक्का हुँदा अली निराश छन् । फेरी पनि अध्यक्ष हुने सोचमा निराश नभएर पद जाने निश्चित भएपछि कुनै विरानो संसारमा जादैँछुकी भन्ने उनको महसुस भएपछि उनि निराश भएका हुन । दोस्रो र तेस्रो जिल्ला अधिवेशनमा निकै सकृय भएर अध्यक्ष पदको बाजी मारेका मल्ल चौथो अधिवेशनमा मौन छन् । जिल्लामा १२ वर्ष कुर्दाकुर्दा दिक्क भएका मल्लले अव केन्द्र ताकेका छन् ।
जिल्लामा अध्यक्ष पद जसले लिए पनि हुन्छ भन्ने मनस्थिती मल्ल छन् । तेस्रो जिल्ला अधिवेशनबाट जिल्ला कार्य समितीका उपाध्यक्ष पदमा निर्वाचित पवित्रकुमार शाहीको अनुहार पनि त्यती खुसी देखिन्न । किनकी उपाध्यक्ष पदपछि अध्यक्ष हुने दाउमा थिए उनि । पत्रकार तुलाराम पाण्डेको अध्यक्ष वन्ने चाल थापाएपछि पवित्र खुसी छैनन् । केन्द्रले रातारात विधानमा सदस्यता लिएको सात बर्ष भएकाले मात्र अध्यक्ष हुन पाउँने भनेर निर्देशन दिएकै थियो तर त्यसैमा पाण्डेले नछोड्ने देखेपछि शाही सेलाएका हुन । विधानले गर्दा संकटमा परेका शाही अन्तत सर्वसम्मतको प्रयासमा जुटेका छन् । सर्वसम्मतबाट पनि संभावना कम देखेको उनि बताउछन् । महासंघका वर्तमान उपाध्यक्ष प्रेस चौतारी नेपाल कालिकोटका अध्यक्ष पनि हुन् । सर्वसम्मतका लागि महासंघमा सिफारिस गर्न पनि उनलाई समस्या छ । महासंघको अध्यक्ष हुन प्रेस चौतारीको अध्यक्षले आफैलाई कसरी निर्णय गरुन् ।
युनियनका भट्टराईको गोप्य खेल
पत्रकार महासंघमा विगतदेखि नै प्रेस चौतारीले जरा गारेपछि ति जरा उखाल्ने पक्षमा अन्य प्रेसका संगठनहरु सकृय देखिन्छन् । नेपाल प्रेस युनियनका केन्द्रिय सदस्य खगेन्द भट्टराई जिल्लाको अध्यक्ष हुन कम महेनत गरेका छैनन् । उनले जिल्लाका विभिन्न ३० गाविसमा घर भएका पत्रकारहरुको नालीवेली अध्ययन गरिसकेका छन् । बाजि आफुतिर पार्न रातदिन सकृय भएका भट्टराईको गोप्य खेल सार्वजनिक भएपछि प्रेस चौतारी सजक भएको छ । जिल्लामा रहेका कृयासिल पत्रकारका संगठनहरुलाई एक—एक गरी भेटेर अध्यक्षको चाँचोमा लागेका भट्टराई पनि विस्ताररै सेलाउन थालेका छन् । जिल्लामा विगतदेखि नै बाहुलियता रहेको प्रेस चौतारीलाई टुक्रा—टुक्रा बनाएर भए पनि युनियनबाट अध्यक्षको बाजी मार्ने उनको सोच बदलिदै गएको छ । चुनावी मैदानमा हुम्मीएपछि आफुभन्दा पनि संगठन नै धरावमा जाने संभावना बढेपछि फेरी उनले सहमतीको खेल सुरु गरेका छन् । अर्का अध्यक्ष पदका आकांक्षी तुलाराम पाण्डे पनि कम छैनन् ।
पत्रकार महासंघ स्थापन हुँदा तर्दथ समितीको अध्यक्ष र प्रथम अधिवेशनबाट पनि अध्यक्ष भईसकेका हुन् । दुई पटक अध्यक्ष भइसकेका पाण्डेको फेरी अध्यक्ष हुने मन मरेको छैन । प्रेस चौतारीमा अधिकांसको विधानले अध्यक्ष हुनबाट चुव लगाएपछि उनि फेरी अध्यक्षको बाजी मार्न निकै कसिएका हुन् । सर्वसम्मत भन्दा पनि चुनावी मैदानमा गए मज्जाले रमाउने देखिन्छन् पाण्डे । प्रेस चौतारीबाट नै आफु बाहेक अरुको विकल्प नभएको उनेको दावी छ । प्रेस चौतारीमा अध्यक्ष हुन योग्य ठहरिएका अर्का अनन्त बरालको भने सामान्य डर मानेका छन् । चौतारीमा एउटै प्यानल भएकाले पनि पाण्डे बरालबाट कम डराएका हुन । पाण्डे भन्दा पनि बराल निकै खटिएका छन् । बर्षौ बर्षसम्म सुनसान देखिने अनन्त बराल पत्रकारको अधिवेशन आएपछि पाण्डेको विरुद्धमा हंगामा मचाईरहेका छन् ।
धमालाको विधानमा हमला
पाण्डे भन्दा पनि आफु बलियो अध्यक्षको उम्मेद्वार हुँ भन्ने कृष्णराज धमाला पनि थलिएका छन् । विधानले ७ वर्ष भनेपछि उनि थलिएका हुन । रातारात विधान संशोधन भएपछि धमालाको विधानमै हमला भईरहेको छ । पेशाको हिसावले १५ बर्ष बढी पत्रकारिता गरिसकेका धमालाको सदस्यता लिएको ६ बर्ष मात्र पुगेको छ । अध्यक्षको मेसो मिलाएका धमालालाई विधानले वाक्कदिक्क बनाएको छ । विधानले नराम्रो संग धोका दिएपछि उनि पनि सर्वसम्मत कै दाउँ हेरिरहेका छन् ।
